پاکستان کی معروف ماڈل اور ٹی وی ہوسٹ، متھیرا، نے حال ہی میں ایک انٹرویو میں خلیل الرحمان قمر کو رات کی ملاقاتوں سے پرہیز کرنے کا مشورہ دیا ہے۔ انٹرویو میں متھیرا سے پوچھا گیا کہ کیا وہ کسی پروجیکٹ کے لیے صبح 4 بجے کسی سے ملاقات کر سکتی ہیں؟ متھیرا نے دلچسپ انداز میں جواب دیا کہ وہ کسی بھی حالت میں رات 12 بجے کے بعد باہر نہیں جائیں گی۔
متھیرا نے مزید کہا کہ چاہے پروجیکٹ کتنا ہی بڑا کیوں نہ ہو، وہ صبح تک انتظار کریں گی۔ ان کا کہنا تھا کہ صبح کے چار بجے کسی گرل فرینڈ کے گھر جانا بدتمیزی ہے۔انہوں نے خلیل الرحمان قمر کے فنکارانہ صلاحیتوں کی تعریف کرتے ہوئے کہا کہ انہیں ان کا کام پسند ہے اور ان کے ساتھ جو غلط ہوا اس پر انہیں برا بھی لگا ہے۔
یہ انٹرویو سوشل میڈیا پر وائرل ہوا اور لوگوں نے متھیرا کے خیالات کو سراہا۔ ان کی باتیں نہ صرف ان کی عزت میں اضافہ کرتی ہیں بلکہ ان کی سوجھ بوجھ اور دانشمندی کو بھی نمایاں کرتی ہیں۔
